MPSC member ruat belh thuai phût

MNF ṭhalaite chuan thuchhuah siamin, Mizoram Public Service Commission (MPSC)-a member pakhat chauh a awm laia hna thar eng emaw zat lak chu felhlela an hriat thu an tarlang a; member dang ruat thuai turin sorkar an phût.

MNYF chuan, MPSC-ah hian tunah chairman chiah member a awm tih sawiin, "Commission member pakhat chauh a awm a, hna thar lak tur interview buatsaih a nihin, MPSC member aiin sorkar hnathawk, expert member-te'n interview mark an nei hnem zawk hi fuh loah kan ngai. Hei hi Congress sorkarin MPSC a thunun theihna kawng leh an duhsak zawngte thun theihna a nih avangin, ṭhalai lehkhathiam hna zawng mekte'n MPSC-ah rinna an hloh mai ang tih kan hlau hle a ni," an ti.

MNYF chuan, MPSC hnuaia exam application fee Rs. 270 chu a sang hlea an hriat thu sawiin, "Rs. 150 aia sang loa tihniam turin sorkar kan phût," an ti a; MPSC exam application fee chu state dangte dinhmun an zir chianna aṭangin, state dangte aiin a sang filawr hlea an hriat thu leh, application fee an tihsan vak chu sorkarin MPSC hnena revenue tam tak chhûng lut tura a tih vang a nih thu an sawi bawk.