Sikul hotute tan training buatsaih

School Education directorate leh Champhai DEO office bultumin October 17, Thawhlehni khan sorkar sikula headmaster leh principal-te tan Kahrawt community hall-ah 'Service Matter & Accounts' chungchang zirna buatsaih a ni.

Champhai DEO C Lalbiakzuala chuan, zirtirtu kal khawmte chu an zirlaite sâwtpui ngei turin a chah a, "Of­fice-in a koh vanga training-a tel ve ringawt ni lo a, hmasawn ngei tum a pawimawh," a ti.

Training-ah hian service bu enkawl dan zir a ni a, pension case chinfel lawk theih loh chhan tam ber chu service bua thil ziah luh dik tâwk lo leh felfai tâwk loh vang a nih ṭhin thu sawi a ni. A hun taka pension dawng thei tur chuan service bua fel tawk lo awmte chu Pension Rules, General Financial Rules leh Supplementary Rules ten an sawi anga siam ṭhat vat tum tur a nih thu tarlan a ni bawk.

Training-ah hian high school aṭangin mi 14, higher secondary school aṭangin pathum, middle school aṭangin mi 40 leh primary school aṭangin mi 18 an tel a ni.