Kerala MLA pasarih an rawn zin

Kerala Legislative Assembly-a committee pakhat, Committee on Local Fund Accounts (CoLFA) chuan study tour an neih mekah October 11, Thawhlehni khan Aizawl an rawn thleng.

Nimin khan Mizoram Legislative Assembly-a Committee on Local Fund Accounts member-te nen Assembly Committee Room-ah an inkâwm.

Kerala CoLFA member rawn zinte hi an chairman TP Ramakrishnan leh ML A paruk an ni a ; nimina inkawmhonaah hian Mizoram CoLFA chairman C Lalmuanpuia hoin CoLFA member - Nihar Kanti Chakma, Dr F Lalnunmawia leh Dr Vanlalṭanpuia ten an lo dawngsawng a ni.

Inkawmhonaah hian state pahniha Local Fund Accounts Committee-te hmalakna leh hnathawh dan tlangpui te, state sorkara local body hrang hrangte sum dawn dan leh hman dan te, CoLFA pawimawhna leh tihchak zel dan turte an sawiho.