Ruantlangah Live Animal Market hawng

Animal Husbandry & Veterinary minister Dr K Beichhua chuan nimin zing khan Champhai Ruantlangah Live Animal Market a hawng. Minister chuan, vety doctor leh thawktu dang indaih lohna chu theihtawp chhuaha ngaihven zel a nih thu leh hun rei loteah AH&Vety dinhmun ṭha zawk siam tum a nih thu a sawi.

AH&Vety director Dr Lalrinpuii Sailo tarlan danin, Mizorama RD block 26-ah mobile veterinary unit, doctor, VFA leh driver awmna dah vek tum a ni. Live Animal Market hi NABARD Rural Infrastructure Development Fund-XXII (RIDF-XXII) loan cheng nuai 246.50 leh Mizoram sorkar sum cheng nuai 14.34, a vaiin cheng nuai 260.84 hmanga sak a ni a; thla tin ran lian 33,605 leh ran tê 31,076 daha lut chhuak thei tura duan a ni.