Covid-19 positive mi 76 an awm

October 11, Thawhlehni khan Mizoramah Covid-19 vei mi 33 hmuh chhuah a ni a, nimin khan mi 17 chhuahtir niin, hripui vanga thi an awm belh lo. Nimin tlai khan Covid-19 positive mi 76 chiah an awm.

IDSP aṭanga thu dawn danin, October 11 khan swab sample 325 endik aṭangin Covid-19 positive 33 hmuh a ni a, positivity rate chu 10.15% a tling. District hrang hranga positive hmuh dan chu - Aizawl leh Khawzawlah pakua ve ve, Saitualah pariat, Lungleiah panga leh Serchhipah pahnih a ni.

Mizoramah swab sample 19,85,325 endik tawh niin, Covid-19 vei 2,38,633 hmuh chhuah a ni tawh a, 12.02% a ni. Nimin tlai dar 5 thlengin mi 2,37,834 (99.67%) chhuahtir an ni tawh a, mi 723 (0.30%) thi tawhin, enkawl mek mi 76 (0.03%) an awm.