Luia sangha man khap

Fisheries department chuan nimin khan hriattirna tichhuakin, kumin October 10 aṭanga December 18 thlengin luia nungchate man khap a nih thu an tarlang.

Fisheries department chuan, "Tihchhiat leh tihbuai an nih loh nan leh him taka an inthlah pun theih nan sangha leh nungcha man khapna hun puan a ni," a ti. Thupek hian Mizorama lui zawng zawng, autonomous district council chhunga mite tel loin a huam a; thupek bawhchhiate chu thla khat chhung tàntir (thla thum pawhsei theih) emaw, Rs 5,000 chawitir emaw, a pahnih emawa hrem theih a ni.