Nupui thattu kum 9 Jail-ah a táng dawn

Champhai District Court-a additional se­ssi­ons judge R Vanlalena chuan, mahni nupui vaw hlumtu Agnu Sahu, New Champhai chu kum 9 chhung lung ina táng tur leh Rs. 8,000 chawi turin a hrem.

Agnu Sahu nupui Khuangthanmawii chu June 4, 2015 zing khan an chenna in bulah thia chhar a ni a, a lu-ah hliam hmuh a nih bakah, a hnar leh bengahte thi a chhuak a, kut tuara thi ni ngeia hriat a nih avangin police-te chuan rinhlelh thilah Agnu Sahu chu an man a ni.

Police-ten thil awm dan zawhfiah a nih hnuah Khuangthanmawii hi a pasal thah nia hriat a nih avangin tualthah thubuai siamsak a ni. Court chuan Agnu Sahu hi tualthattu a ni tih a finfiah hnuah kum 9 táng tur leh Rs. 8,000 chawi turin Nilaini khan a chungthu a relsak ta a ni.