Zirlai hlawhtlingte chawimawi

Lai Student Asso­ciation (LSA), Aizawl chuan nimin khan Electric Veng YMA Hall-ah zirlai tharte lawmna leh zirlai hlawhtlingte chawimawina hun an buatsaih a, LADC chief executive member T Zakunga'n a hmanpui.

T Zakunga chuan LSA, Aizawlte chu Lai fate innghahna a nih thu sawiin, "LADC area Lai ram chhunga chengte hi tlemtê kan ni a, nuai khat em pawh kan tling lo a, inngeih loa inèr tham kan awm lo. Lungrual taka ram leh hnam hmasawnna atan ṭan kan lak ṭheuh a ṭul a, mit in hian mawhphurhna kan nei vek a ni," a ti.

LSA, Aizawlah hian member 1,000 chuang an awm a, nimina zirlai hlawhtling chawimawina an pek hi high school aṭanga master degree pass-te an ni a, an vaiin mi 27 an ni.