KMMTP kawng siam chhunzawm

Lawngtlai aṭanga Myanmar ramria Zocha­chhuah pawhtu tur Kaladan Multi Modal Transit Transport Project (KMMTTP) kawngpui sial hna thawh mekah contractor pahnih - Atlanta ARSS Infrastructure Ltd. leh RDS Pvt.Ltd. chuan anmahni chan chhunga kawng siam zawh tawhte chu a remchang lai laiah an blacktop zel a; kawng thui zawng pumpui, km. 87.180 zinga km. 44.50 chu blacktop zawh a ni tawh.

KMMTTP kawng enkawltu, PWD executive engineer C Lalhumhima sawi danin, kawngpui siam mekah hian zangnadawmna phût avangin harsatna tawh ṭhin a ni a; tunah hian kawng laih tur km. 1.80 la awmah ram neituin laih an phal loh avangin contractor-te’n hna an thawk thei rih lo.

Myanmar ramri bula Zochachhuahah mi­hring chenna in 29 chu laih chhiat a ngai a, in neitute’n an in ṭhiah an la remtih loh avangin kawng sial tlang theih a la ni rih lo bawk. He kawngah hian lei pariat dawh a ngai dawn a ni.