Tlungvel khaw hmasawnna tur an sawiho

Aizawl DC Dr A Muthamma hoin October 18, Nilaini khan DC conference hall-ah Sansad Adhar Gram Yojana (SAGY) hnuaia Tlungvel Development Plan chungchang sawiho a ni.

Meeting-ah hian kum 2020 ral hma ngeia SAGY hnuaia hmalakna hmanga Tlungvel khua model village a siam a nih theihna atana department tinten ruahmanna an siam 'Village Development Plan' an sawifiah.

Model village tura plan siamnaah hian 'Cost-less Development' lam ngaih pawimawh a, mimal nun lam hmasawnna - faina kawngah te, rilru put hmangte leh zûk leh hmuam simna lamah hmasawnna thlen thei tura hmalak an rel a ni.