Aadhaar card leh bank account Thlun zawm duh lote inhmukhawm

Mizoram sorkar hnuaia thawk mek leh châwl tawh, Aadhaar card hmang duh lote chu nimin khan Archives Hall, Babutlangah an inhmu khawm a; huam zau zawka hmalak a nih theih nan remchang hmasa berah inhmuh khawm leh a, thil tih dan tur relho ni se, an ti.

Inhmuh khawmna huaihawttute chuan, Aadhaar card hman an duh loh thu sawiin, “Bank kal tlang loa tangkafaia hlawh laktir turin September 21 khan sorkar kan lo ngen tawh a, sorkar chhanna kan nghak mek. Kan duh ang chhanna kan hmuh loh chuan na zawka sorkar nawr zel kan tum,” an ti.

Inhmuh khawmna huaihawttute chuan, inhmuh khawmnaa kalte chu Aadhaar card nei lo hrim hrim an ni deuh vek niin an sawi a, bank account chu duh duh huna tihchingpen theih a ni dawna an hriat avangin bank account leh Aadhaar number thlun zawm chu an pawm ve thei lo niin an sawi bawk.

Sorkar laipui ruahman angin, Mizoram sorkar chuan, sorkar hnathawk zawng zawng chu December 31, 2017 hmaa an hlawh lakna bank account leh Aadhaar number thlun zawm vek turin a hriattir a ni.