World Sight Day hman a ni

October 13, nimin kha World Sight Day a ni a, National Prog-ramme for Control of Blind­ness and Visual Impairment (NPCBVI) huaihawtin Aibawk community hall-ah hman a ni a, Aibawk leh a chhehvel khuaa Mizoram Upa Pawl member-te tan a thlàwna mit entirna buatsaih a ni.

Khawvel huapa mit khaw hmuh fiah ṭha neih a pawimawhzia in­zir-tirna ní World Sight Day puala free eye screening hawnna in­khawm chu NPCBVI state prog­ramme officer Dr Lalbiak­siami'n a kai­hruai a; mit enkawl ṭhat pawi­mawhna leh enkawl dan turte a sawi.

World Sight Day pual free eye screening-ah hian NPCBVI-a thawktute leh Zoram Medical College-a Ophthalmic depart­ment-a thawkte'n inentirte mit an endiksak a, mi 200 chuang an inentir. Mit enkawlna tur damdawi a thlàwna an pek bakah, tarmit mamawhte pawh a thlawnin tarmit an pe a ni.

Kum 2000 aṭangin kum tin October thlaa Ningani vawi hnihnaah World Sight Day hman a ni ṭhin a; kumina thupui chu 'I mit duat rawh' tih a ni.