Hmasawnna ruhrel din dan tur sawiho

Nimin khan chief minister Zoramthanga hoin CMO conference hall-ah hmasawnna ruhrel din tura ruahmanna kal mek leh siam ngai chungchang sawiho a ni.

Meeting-ah hian hmasawnna ruhrel changtlung taka din tura mamawh hrang hrang leh sum hmuhna tur (funding source)-te sawiho a nih bakah, bawhzui ngaite an rêl a ni. An sawiho zingah Aizawl hmun pahniha flyover bridge siam dan tur te, truck, bus leh maxicab din khawmna (terminal) siam dan tur te, tourism tihhmasawnte leh thil dangte a tel.

Ṭhutkhawmah hian Transport minister TJ Lalnuntluanga bakah, Planning & Programme Implementation department, PWD leh Tourism department hotute an tel a ni.