Breast cancer awareness buatsaih

Mizo NIFTians Association leh Mizoram State Cancer Institute (MSCI) ṭangkawp chuan October 19, Ningani zan khan Pachhung University College-ah breast cancer awareness atana buatsaih Exposé Fashion an buatsaih a, Health minister Lal Thanzara'n a hmanpui.

Health Minister chuan, breast cancer awareness programme ṭhalaite hîp thei zawnga hman a ni chu lawmawm a tih thu leh Mizo designer-te kutchhuak phochhuahna hun hman a ni chu lawmawm a tih thu a sawi a, "Hnute cancer hi hriat chhuah hma chuan enkawl dam theih a ni. A veite pawhin hma taka an inhriat chhuah a, enkawl dam an nih theih nan awareness uar taka kalpui a ṭul," a ti.

Khualzahawm, minister of state Vanlalawmpuii Chawngthu pawhin thu sawiin, "Hnute cancer hi hmeichhia leh mipaah a awm theih ve ve avangin mahni inenfiah dan inhrilhhriat zel a pawimawh," a ti a; hlauh leh zah thila la lo a, mahni uluk taka inenfiah ṭhin turin mipui a chah.

Inkhawmah hian hnute cancer mahnia inenfiah dan, inenkawl dan leh hnute cancer vei ṭhin dam tawhte chanchin ngaihthlak a ni.