PHE E-in-C pisa sak tur lungphùm phúm

Public Health Engineering (PHE) engineer-in-chief pisa sakna tur lungphùm chu nimin khan New Secretariat Complex-ah PHE minister Zodintluanga’n a phûm.

Zodintluanga chuan, tun hnaiah PHE department-in hmasawnna tam tak a nei tih sawiin, "Hmâna kan tih ṭhin dan a ni, tih kal pêlin thil thar tam tak kan hmu. Aizawl khawpuia tui sem darhna pipe hlui tawh tak takte a thara thlak mek a ni a, tui lak luhna pipe lian feeding line thlak turin contractor thlan a ni tawh," a ti.

Pump house leh filter thar hawn theiha peih a nih tawh thu sawiin PHE Minister chuan, "Tui meter pawh chang­tlung leh ṭha zawka thlak thuai a ni dawn. Tunlai thiam­na hmang ṭangkaiin mipuiin tui an dawn tur thu message hmanga hriattir lâwk ṭhin a ni," a ti a; mipui­in tui in tur thianghlim leh hrisel, hnianghnâr zawk­a an dawn theih nan PHE department-in hma a lak thu a sawi.

PHE E-in-C pisa hi October 12, 2017-ah sak ṭan niin, thla 18 chhunga sak zawh hman tura rua­hman a ni a; a sak nan cheng nuai 961 ruahman a ni.