Fai lawmman lawm dan tur sawiho

Mamit DC Lalbiaksangi hoin nimin khan DC conference hall-ah Mizoram Sanitation Task Force hmalakna hnuai­a khawpui fai thlannaa district fai ber lawmna an lak leh khawpui fai inelna bika Mamit-in lawmman pathumna a dawn lawm dan tur an sawiho. Khawpui fai lawmman lak lawm hun atan November 10 an tinzâwn a ni.

Lalbiaksangi chuan, Mamit khawpui fai lawmman a la chu khawtlang hruaitu, tlawmngai pawl hrang hrang, chhungkaw tin leh mimal tinte ṭhahnemngaihna leh thawhrimna a vang a nih thu a sawi a, "Kan district hian India ram pumah ek-in sa hnem ber lawmman pakhatna kan dawnG tawh a, kar hnih chhungin BPL leh APL hnuaiah ek-in 840 sak hman a ni," a ti.