Lungleia BJP buaina sawifiah

BJP, Mizoram Pradesh chuan thuchhuah siamin, Lunglei district-a BJP hruaitute an inbân anga media hrang hranga lang chu pawi an tih thu an tarlang a, Lunglei district BJP President chu bân a ni lo tih an sawi.

Mizoram BJP chuan, an party-in Constitution, Rules leh Conventions fel tak a nei tih sawiin, "Local unit aṭanga national level thlenga inkaihruaina ṭha tak nei kan ni. Lung­lei district BJP hruaitute zing­ah mi pathum an tâl buai avangin her rem hret a ni a, BJP kalphungah district president bàn theitu chu appointment petu, State President chiah hi a ni a, executive committee bân theih an ni lo," an ti.

Lunglei district BJP vice president Lalhma­hruaia, general secretary H Lalmalsawma leh treasurer B Lallawmsanga te chu BJP dan kalha an chet avangin October 18, 2017 khan district president Dr Aichhunga kaihhruai Executive meeting-in an nihna zawng zawng an hlihsak tih an tarlang a; Lunglei district President hmalakna chu BJP Mizoram Pradesh pawhin a hriatpuia a pawmpui tih an sawi bawk.