STAM-in inkhawmpui an hmang

Science Teachers Association Mizoram (STAM) chuan, nimin khan Synod Conference Centre-ah inkhawmpui an hmang a, Planning secretary Dr C Vanlalram­sanga'n a hmanpui.

Planning Secretary chuan, zirtirtute'n refresher course a tam thei ang ber an neih theih nana STAM-in hma a laknaah te, science leh mathematics-a zirlai tiṭhate STAM-in lawmman a siamsakte chu lawmawm a tih thu sawiin, "School timing chungchangah mut hmaa thawh hma a ṭhatzia leh chumi kawnga ṭan lak tum ni thei se a duhawm hle," a ti.

Chawhnu lamah rorel inkhawm an hmang a; NIT-Mizorama Mizoramin quota a neihah Mizo zirlaite a tam thei ang ber an luh theih

nan awareness campaign neih te, technical line hrang hrang zir theihnate zirlaite'n an hriat chian theih nana hmalak te, middle school-a science leh mathematics zirtirtute tan refresher course a tam thei ang ber buatsaih te, school timing chungchang zir chianna an neih tawh ûm zui zel dan tur leh HSLC leh HSSLC-a science leh mathematics topper-te chawimawina pek chhunzawmte an rel a ni.