PWD-in Tuichang lei an sawifiah

Mizoram PWD chuan thuchhuah siamin, Ser­chhip district-a Tuichang lei chungchang an sawifiah a; lei chu kum 1982-a siam, built-up steel girder bridge a ni a, a hlui tawh a, a chak tawh loh avang­in thlak tura ruahman a nih thu an tarlang.

PWD chuan, Tui­chang lei thar tur chu PSC girder bridge-a dawh tum a nih thu sawiin, "Lei awm lai thlang lamah dawh tura rua­hman a ni. Hna hi Sad­guru Engineers & Allied Services Pvt. Ltd. hnenah pek a ni a, cheng nuai 751 man a ni," an ti.

PWD tarlan danin, Tuichang lei thar dawh hna chu December 1, 2016-ah ṭan niin, December 2018-ah zawh tum a ni a; Arṭahkâwn lam kama foundation chu zawh ṭep a nih laiin, Keiṭum lama foundation laih chu kum 2011-a lei dawhna tura foundation atana cement concrete chhun tawh laih chhuah vek a ṭul avangin la laih zawh loh a ni.

PWD chuan, kumin ruah a sûr nasat avanga tui lian leh lei tawlhin lei foundation siam sa a tichhe nual a, chu chu siam ṭhat mek a nih thu an sawi a; lei chu a huna dawh zo tura hmalak zel a nih thu an tarlang bawk.