MNYF President-in ram tana thawhpuiah MJA-te a sáwm

Mizo National Youth Front (MNYF) office bearer tharte chuan an president L Thangmawia, MLA hoin nimin khan Aizawl Press Club an tlawh. L Thangmawia chuan, ram leh hnam tana thawhpuiah MJA member-te a sáwm.

MNYF President chuan, MNF ṭhalaite'n MJA member-te thawh­hona ṭha neih an duh tih sawiin, "Ram tana thawhna chin nei vek kan ni. Khawi party pawh ni ila, ram tana hna thawhnaah MJA-te nena thawhhona ṭha neih kan duh," a ti.

MJA member-te chu finchhuah ṭhin tura sáwmin L Thangmawia chuan, "Kan party ṭhatna tur lam ni loin, ram tana ṭha turah min finchhuah ṭhin turin kan duh che u," a ti a; political party leh MJA-te ram tana rawngbawlho theihna a awma a hriat thu a sawi.

L Thangmawia hian MJA-in an mamawh an leina atan Rs 50,000 a pe a; a chungah an lawm thu MJA chuan an tarlang.