I-Day lawm dan tur hriattir

Ministry of Home Affairs (MHA) chuan tun hnai khan state leh union territory-a chief secretary-te hnenah lehkha thawnin, pungkhawm tam lo zawnga Independence Day lâwm turin a hriattir. MHA chuan, Covid-19 léng mek avangin Independence Day lawmnaah MHA leh Ministry of Health and Family Welfare-in Covid-19 guidelines a siamte zawm tur a nih thu a tarlang a; social distancing, hmai tuamna vuah, hmunhma tihfai ṭhatte ngai pawimawh turin chief secretary-te chu a hriattir a ni.

State/UT hrang hrangah Independence Day lawmna hi zing dar 9-ah ṭan tur a ni a, ṭum dang angin parade contingent a awm lo ang a, chief minister-te'n thu an sawi ang. Covid-19 dona atana hmahruaitu doctor, health worker, sanitation worker, etc.-te chu an hnathawh hriatpuina lantirna atan I-Day lawmnaah hian sawm tura tih a ni.