Scholarship pe thuai turin zirlaite'n Finance an ngen

RIPANS, Zoram Medical College, Industrial Training Institute leh Aizawl District Institute of Education and Training (DIET)-a zirlai hruaitute chuan nimin khan Finance secre­tary Vanlalchhuanga a pisaah an hmu a, scholarship sum pe chhuak thuai turin an ngen.

Zirna-in hrang hranga zirlai hruaitute sawi danin, Finance Commissioner hian, "Theihtawpin hma kan la mek zel a, file lo kal zawng zawng pawh zanin là lâa Chief Minister approval pek chhuah turin kan thawn nghal ang. Kar leh ral hma chuan in dawn hman ngei ka ring," tiin a lo chháng a ni.

Sorkar thuchhuah tarlan danin, October 4, 2022 khan Ministry of Tribal Affairs chuan Post Matric Scholarships to Scheduled Tribes Students scheme hnuaia kum 2021-22 atana sum a pek bâng, third instalment cheng nuai 794.84 leh kum 2022-23 atana central share tur 50%, cheng nuai 1,823.89 chu Mizoram sorkarah a pe a; a vaiin cheng nuai 2,590.31 a ni.