Lunglei khawpui bawlhhlawh sawngbawlna tur hmun enfiah

Lunglei Sanitation Task Force chuan an chairman Kulothungan A, district bawrhsap hoin October 13, Ningani khan Lunglei khawpui bawlhhlawh sâwngbàwlna tura ruahman Solid Waste Manage-ment Centre an enfiah.

Lunglei Solid Waste Management Centre hi Ministry of Development of North Eastern Region (DoNER) hnuaia Non-Lapsable Central Pool of Resources (NLCPR) aṭanga hmuh cheng nuai 600 sênga siam tur a ni. Hmalakna thawh khatna atan Rs 1,44,60,900 hmuh hmangin a hmunhma thenfai leh siam rem, thir lêna hung, gate siam, sanitary platform for dry waste leh resource management centre-te siam tum a ni.

Kulothungan A chuan, Solid Waste Management Centre chu Lunglei khawpui ṭhang mek tana ruhrel pawimawh ber zinga mi a nih thu a sawi a; UDPA department hotute leh contractor-te chu uluk taka thawk tur leh harsatna an neihte task force hnenah thlen thuai ṭhin turin a chah.