Global Handwashing Day hmang

Mizoram Pollution Control Board leh Mizoram ENVIS Hub chuan nimin khan Global Handwashing Day (Kut sil fai inzirtirna ni - October 15) pualin Calvary Comprehensive School, TNT, Muanna Vengah kut sil fai pawimawhna inzirtir hun a hmang.

Global Handwashing Day puala hun hmanah hian zirlai leh zirtirtu 160 chuang an tel a, Dr Vanlalchhuanawma, Ebenezer Medical Centre-in kut sil fai ṭhat loh vanga natna awm thei te, kut sil fai hun turte leh sil fai dante a lem nen a zirtir a; naupangte'n a takin an ti chhin nghal a ni.

Mizorama school leh college hrang hranga eco-club-te’n Global Handwashing Day pualin kut sil fai pawimawhna leh kut sil fai dan inzirtirna hun an buatsaih bawk.