Office leh futsal ground hawng

Rural Development minister Lalruatkima chuan nimin khan Sateek khuaa Wholesale Market-cum-Guest House leh Aibawka Rurban Cluster Training Centre-cum-BDO office a hawng a; Sateek leh Melriat khuaa futsal khelmual thar a hawng bawk.

Lalruatkima chuan, hmasawnna kawnga ke pênnaah vawi leh khatah khawvel dang hmasawnna neih ang neih nghal vek theih a ni lo tih sawiin, "Keimahni theihna leh inbuatsaihna nen kal kawpin kan phâk chinah rual páwl turin theihtawp kan chhuah a ni," a ti a; ni 100 inhlawhna chu tun hnai kum thum chhungin kum tin ni 100 inhlawh siam a nih thu leh kuminah pawh ni 100 inhlawh pha ngei tura ṭan lak a nih thu a sawi.

Melriata futsal ground hi SPMRM (Rurban) aṭanga hmuh cheng nuai 15 leh MGNREGS sum cheng nuai 5 hmanga sak a ni a; zanah pawh inkhelh theih tura siam niin, implementating agency chu Aibawk BDO a ni.