Tlawng lui lian vênna siam tur lungphùm phúm

Local Administration department minister K Lalrinliana chuan nimin khan Bairabi South-a Zero Point Bazar Shed-ah Tlawng lui lianin Bairabi khaw chhunga in leh hmun ṭhenkhat a lâk hêk ṭhin vênna tura ruahman 'River training works for protection of Tlawng river at Bairabi phase-1’ sakna tur lungphùm a phúm.

Tlawng lui venna tur Phase-I atan hian NABARD aṭangin cheng nuai 1,000 hmuh a ni a, Mizoram sorkarin cheng nuai 111.10 a tum dawn bawk a, a vaiin Rs 11,11,10,000 ruahman a ni. October 10, 2022 khan work order pek chhuah a ni a, October 2023-ah hna thawh zawh tura ruahman a ni.