Durtlang - Kawnpui kawngah Lirthei ke 10 nei chin tlân khap

Traffic SP C Lalthan­mawia chuan thupek chhuahin, Durtlang leh Kawnpui inkar kawngah lirthei ke 10 leh a aia tam nei tlan phal a nih tawh rih loh thu a tarlang.

Traffic SP chuan Dur­tlang-Kawnpui kawng enkawltu Pushpak Chief Engineer nen an inbiak thu tarlangin, "Motor lian, rit tak tak phur an kal ṭhin avangin he kawng hian a tawrh phah thu leh, truck lian tlan khap hi kawng mai bakah, mipui himna atan a pawimawh thu an sawi avangin khapna thu­pek hi chhuah a ni," a ti.

Thupek hi vawiin aṭanga hman ṭan tur a ni a, thu leh awm hma chu zawm tur a ni. Thupek zâwm lote chu dan anga hrem an ni ang.