Duty laia police thite sûnna hun hmang

October 21, Inrinni zing khan Aizawl leh Lungleiah Police Comme­moration Day hman a ni a, ram tana nunna hlantu police-te hriatrengna hun hman a ni.

Commemoration Day hi Aizawlah chuan DGP Thianglima Pachuau hoin Armed Venga 1st Bn. MAP head­quarters-a martar thlân­ah hman a ni a; DGP leh police officer dangte'n martarte hriatrengna lungphunah pangpar an dah.

Lungleiah chuan Luangmuala 2nd. Bn. MAP headquarters-ah hman a ni a, Lunglei SP Lalṭhafamkima Jongte leh Lungleia police officer dangte'n ram tana martara thite sunna leh hriat reng nan parngpar an dah a ni.

Police Commemo­ration Day hi October 21, 1959-a China sipaite'n Ladakh Police post an lak tuma India police duty mi pakua an kah hlumte hriatrengna atan kum tin hman ṭhin a ni.

Kumina Commemo­ration Day-ah hian September 1, 2016 leh August 31, 2017 inkara India ram puma police, an duty laia thi mi 370-te hming chhiar chhuakin, sûnna leh hriatrengna hun hman a ni a; kum khat chhung hian Mizoramah chuan police, an duty laia thi an awm lo.