Mizoram Police lak turah mi 10,499 an intlar

October 16 aṭanga Mizoram Police lak runpui neihah mi 10,499 an intlar a, heng zinga 8,438 chu mipa an ni a, 1,861 chu hmeichhia an ni.

Police lak runpui hi Mualpuia 3rd Bn. MAP hmun leh Rajiv Gandhi Stadium-ah neih a ni a, intlar tuma kalte chu an lehkha pawimawhte endik hmasak a nih hnuah an áwm len zawng leh san zawng teh leh vek a ni a, hemi pal tlangte chu physical test nei turin ID Card pek chhuah an ni.

Physical test hi hmeichhe tan kar hmasa khan zawh tum ni mah se, khuain a zir loh avangin vawiin hian chhunzawm a ni dawn a, Thawhlehni-ah mipa tan physical test ṭan theih an beisei a ni.

Police lak tur zawng zawng hi 425 a ni a, heng zinga 75 chu silai keng lo chi, unarmed branch a-mi tur an ni a, 350 chu armed branch-a mi tur an ni. Armed branch hi pawl 8 pass chinin an dil thei a, unarmed branch hi pawl 10 chin chung lamin an dil thei a ni.