Darlawnah inchhu hlum

J Chuauliana (34) s/o PC Ṭhuamliana, Darlawn Chhimveng chu October 21, Inrinni zing dar 7 vel khan Tommy Lalchhanchhuaha (26) s/o Thanpari chuan stool-in a vua a, Aizawl panpui a nih laiin Inrinni zan dar 10:30 khan Sesawngah a thi.

Thu dawn danin, J Chuauliana leh Tommy Lalchhanchhuaha te hi Lalhlimpuii te inah an lêng a, ṭhutthlengseia Chuauliana mu chu a lu-ah Tommy-a'n stool-in a chhú a ni. A chhu lai hi hmu an awm lo a, Tommy-a chu in aṭanga a chhuah nghal avangin in neitute pawhin an hre mai lo a; mi pakhatin lutin a hmu chauh a ni.

Chuauliana hi Darlawn damdawi-inah kalpui niin, a lu kak awm chu ṭhui a ni a, hun eng emaw chen harsatna nei loa a awm hnuah, Inrinni chawhnu lam aṭangin thi-in a luak a, Darlawn damdawi-ina kalpui a nih hnuah, nikhawhre loa a awm avangin Aizawl lam panpui a ni.

Tommy Lalchhan­chhuaha hi Darlawn police-te'n an man nghal a ni.