Hnahthialah heroin an man

Assam Rifles leh Police ṭangkawp chuan tun hnai khan Hnahthialah heroin gram 1934.1 an man. Heroin an man hi tual­chhunga hralhna ang chuan cheng nuai 154 hû a ni.

AR sipaite hian an thu dawn bawhzuiin Duhkima (62) leh Rem­thangpuia (33), Nghar­chhip, Hnahthial district ve ve nia insawi hnen aṭangin heroin hi an man a; a neitu pahnihte chu Hnahthial Police Station-ah an hlan a, thubuai siamsak an ni.