Chief Minister-in hnathawh mekte a enfiah

Chief minister Zoramthanga chuan October 15, Inrinni khan Aizawl - Reiek - West Lungdar kawnga bug bridge (lei) dawh hnathawh mek a enfiah a, Reieka PWD leh Agriculture department hmunhmate a tlawh nghal.

CM Zoramthanga chuan, lei dawh hna thawktute chu theihtawp chhuaha uluk leh chak taka hna thawk turin a chah a ni.

Sorkar thuchhuah tarlan danin, Bug bridge hi Central Roads Fund aṭanga pawisa hmuh hmangin Sadguru Engineer & Allied Services Pvt. Ltd. te'n an siam a; feet 180.40 double lane tura ruahman a ni.

Harsatna hrang hrang avangin a hun takah thawh zawh theih a ni lo a, October 3, 2022-a management meeting-ah contractor-te chuan February 28, 2023-ah hna zo turin an intiam a ni.

Chief Minister hi Govt. deputy chief whip Lalrintluanga Sailo, bialtu MLA ni bawk in a ṭawiawm a ni.