International Day of Rural Women

Govt. Champhai College (GCC) Equity and Inclusion Committee chuan October 15, Inrinni khan an college seminar hall-ah 'International Day of Rural Women -2022' an buatsaih a, thupuiah 'Rural Women Cultivating Good Food for All' an hmang.

Day hmannaah hian chaw ṭha leh hrisel thar chhuah leh sawngbawl dan hrang hrang zirho a ni a, rannung thahna hlo hriatchian leh hman kawngah fimkhur a ṭul thu te, thei leh thlai, buh leh bal hlawk zawka thar duh luat avanga chin tawk nei loa rannung thahna hlo hman a hlauhawm dan te, rannung thahna hlo hman dan dik leh mihring tana a hlauawm theih dante inzirtir a ni.

He hunah hian Champhai khawpuia MHIP Branch thlan bik 11 aṭangin member pahnih ṭheuh an tel a, huan thlai thar kawnga thawhhlawk zual mi 22 hnenah chawimawina thuziak leh lukhum pek a ni.