Sorkarna siamtu kan ni ngei dawn - MBJP President

BJP Mizoram Sheduled Tribe Morcha-te chuan October 14-15, 2022 khan Berawtlangah Eexecutive Meeting Cum Political Training an buatsaih a, he hunah hian Mizoram BJP president Vanlalhmuaka chuan kum 2023 MLA inthlan lo awm turah sorkarna siamtu an nih ngei ngei dawn thu a sawi.

Vanlalhmuaka chuan 2023 inthlan pui zawha sorkar thar lo piang turah BJP tel lo sorkar a piang dawn lo tih sawiin, "Sorkarna siamtu kan ni ngei ngei dawn. Kum 2022 Krismas hi, BJP tel lo sorkar kan hrawn hnuhnung ber a ni tawh dawn," a ti.

MBJP President sawi danin, BJP chu hnam hnufual, scheduled tribe-te a tak taka ngaihsaktu a ni a, India president atan meuh pawh hnam hnuaihnung zing a mi, Draupadi Murmu dahtu an ni.