Dan loa tawlh nungcha phurtute man

Champhai Police-te chuan Excise & Narcotics department patrolling party-te hnen aṭanga an thudawn bawhzuiin Oct. 15, Inrinni zing khan lirthei pathuma phurh ramdang nungcha 140 an chhan chhuak a, a phurtute an man.

Police thuchhuahin a tarlan danin, dan loa Myanmar aṭanga tawlh­ruk ni ngeia hriat ramsate hi bolero pahnih leh scorpio pakhata phurh an ni a; lirthei khalhtute - Lalremruata (38) s/o Rorela, Champhai Vengthlang, Tinkhuma (38) s/o Lalbuanga leh E Lal­muanpuia (29) s/o Lallawmzuala, Champhai Venglai ve ve nia inchhalte an man nghal bawk.

Nungcha mante hi- awle note 55, satel 30, saphai 22, sumatran water monitor 18, flame power­bird pali, servel cat pali, marmoset pahnih, zawng pahnih, marmoset monkey pahnih leh albino wallaby pakhat a ni.