KHAWTHLIR

Awareness
NLUP Implementing Board (NIB) leh Govt. Aizawl College-a Department of History bultumin nimin khan Synod Conference Centre-ah leilung, ramngaw leh nungchate humhalh chungchanga tih tur pawimawhte inhrilhhriat­na leh inzirtirna hun, 'Environment Awareness Campaign' hman a ni a; GAC zirlai ṭhahnem tak an tel.

Career guidance
Lawngtlai College-a Rashtriya Uchchatar Shiksha Abhiyan (RUSA) hnuaia hmalak­na peng khat atan nimin khan Central YLA Hall-ah Lawngtlaia college leh higher secondary sikul zirlaite tan 'Career Guidance and Counselling Programme' buatsaih a ni a; Lawng­tlai SDC Dr Manesia Khaimeichho leh Assam Rifles-a captain Sahid Yunas ten thu an sawi.

JEE Mains
Mizoram sorkar chuan thuchhuah siamin Joint Entrance Examination Mains (JEE) (Mains), 2018 chu April 8, 2018 (Pathianni) hian CBSE chuan a conduct dawn tih tarlangin, "Mizoram state quota kal tlanga engineering zir tur zawng zawngte chu JEE (Mains) 2018 hi exam ngei tura hriattir an ni," an ti.

MCS training
SIRDPR chuan nimin khan an conference hall-ah ‘Induction Course for Mizoram Civil Service Officers (2017 Batch)’ an buatsaih a, SIRDPR director Maria CT Zuali chuan training hi a hlawkpui thei ang bera hmang turin a fuih. MCS tharte hi civil administration, village administration, political history in Mizoram, rural political system, labour budget, gram sabha leh social audit chungchangte zirtir an ni dawn a, November 17 thleng a awh ang.