Theihtawp chhuah zel turin ngen

Health & Family Welfare secretary H Lalengmawia chuan July 25, Inrinni khan Kawrthah leh Kawrtethawveng a tlawh a; Covid-19 donaah theihtawp chhuah chhunzawm zel turin mipui a ngen. Kawrthah damdawi-in (CHC) inkawmhonaah thu sawiin H Lalengmawia chuan, "Covid-19 hripuiin min tihluhai hle laiin, ram leh hnam kan hima kan dam theihna tura mi inpe kan neih che u avangin in chungah sorkar a lawm em em a ni. Theihtawp chhuah chhunzawm zel turin ka ngen che u," a ti.

Health Secretary hian Kan­hmun damdawi-in (PHC) pawh a tlawh nghal a, chei ṭhat dan tur leh thawktu a ṭul anga dah belh turin ruahmanna a siam nghal a ni.H Lalengmawia chuan, khaw­thlang mipuite chu zirna ngai pawimawh lehzual turin a chah a, "Hriselna kawnga thawktute'n IMR (infant mortality rate) leh MMR (maternal mortality rate) a tlakhniam theih nan in lama nau nei lo a, damdawi-ina nau neih nachang kan hriat deuh deuh theih nana zirtirna kalpui uar zel a pawimawh," a ti.