India palaite leh Governor an inkâwm

Slovakia-a India palai (ambassador) Vanlalhuma leh Myan­mar-a India palai Vinay Kumar-te chuan nimin khan Raj Bhavan an tlawh a, Governor Hari Babu Kambhampati nen an inkâwm.

Inkawmnaah hian Mizorama hmalakna lian leh hmasawnna ruhrel lian zual thawh chungchang te, Mizorama rél kawng siam chungchangte leh Kala­dan Multi Modal Transit Transport Project chung­changte an sawiho a ni.

India ambassador pahnihte hi October 20-22, 2022 chhunga neih tur Indian Ambassador Conference-a tel tura rawn kal an ni a; confe­rence hmain Prime Minister duh dan angin, ambassador-te chu an chawr chhuahna state-te tlawh tur leh tualchhunga thil thlengte a hmunah bèl chiang turin feh chhuahtir an ni.

Slovakia leh Myan­mar-a India palaite hian nimin vek khan chief minister Zoramthanga chu a pisaah an kawm a; Mizorama sorkar hmalakna hrang hrang leh, India leh ṭhenawm ram inlaichinna te an sawiho.

Chief Minister chuan adoptive state aṭanga senior ambassador pahnihte'n Mizoram an thlang chu lawmawm a tih thu a sawi.