Sum enkawlah Finance Minister A hlawhchham lo - ZR Thiamsanga

Nimina Mizo Hnam Runa inkhawmah MNF adviser Dr ZR Thiamsanga, MLA-in thu a sawi a, "Opposition party-te'n financial management-ah Finance Minister hlawhchham angin an sawi a, a hlawhchham lo a, kan ram hi ram dang nena khaikhin phei chuan a ti ṭha lawr lak kan ni," a ti.

Dr Thiamsanga chuan, Mizoram healthcare system chian a ngai tih sawiin, "Tuna kan healthcare hi kan CM-in a sual chhuah a ni," a ti. Health care scheme-ah cheng vbc. 270 vel corpus fund-ah a awm mek niin a sawi a, "Kan sorkar hian healthcare leibá hi kan ba hlen dawn lo a, kan pe ngei ngei dawn a ni," a ti a; healthcare bill tur cheng vbc. 1,000 pûk phalna sorkar laipuiin a pek tawh thu a sawi.

India ramah 'Pathian leh kan ram tan' titu political party dang an awm lo nia sawiin ZR Thiamsanga chuan, "Keini chuan Pathian kan rinchhan avangin kan nghet em em a, kan ram leh hnam dinchhuah nan MNF party lo chu an awm lo a ni," a ti a; ZPM party chu a tak awm si loa lawm luh ching niin a sawi bawk.