CYMA leh MSA hruaitute an inkawm

Central YMA hruaitute leh Mizo Society of America (MSA), Indiana Branch hruaitute chu October 16, Pathianni tlai khan Indianapolis, USA ah an inkawm.

Inkawmnhonaah hian CYMA aṭangin president R Lalngheta leh asst. secretary Prof. Malsawmliana bakah, Central YLA president HC Vanlalruatpuiate pawh a tel. MSA hruaitute nen hian Mizorama Myanmar raltlante YMA leh YLA in an lo buaipui dan leh thil chi hrang hrangte sawiho a ni.

Khawvel hmun hrang hranga Mizo hnahthlak awmte inpumkhatna tur leh Mizo ṭawng ṭhan zelna tur leh tih lar zelna tura YMA pawimawhnate sawiho a ni bawk.

MSA chuan ram leh hnam humhalh kawnga YMA hmalakna leh Myanmar aṭanga Zohnahthlak unaute an sahimna zawnga rawn tlante chhawmdawl kawnga an hmalakna leh an tha thawhte ropui an tih avangin CYMA hnenah chawimawina thuziak leh hruaitute hnenah tawlhlohpuan an hlan.