Dan/thupek kenkawhnaa inthlahdahah sorkar puh

PC party chuan, Mizoram hmun hrang hrangah chhungkua leh khawtlangah mawi lo taka mi chunga hleilenna a hluar sâwt hle nia sawiin, dan leh thupek kenkawhna kawnga Mizoram sorkar inthlahdahzia tilang chiangtua an ngaih thu an tarlang.

PC thuchhuah chuan, "Mizoramah mipui zalenna, dikna leh chanvo palzûtna a hluar ta hle mai te, sorkara mi lian leh civil thil ti thei tak takte mipui chunga invilikna leh inlulinna a punlun ta hlete hi pawi kan ti a, ram rorelna khawl chelhtute zir loh vangah kan ngai. A rang thei ang bera inenfiah turin Mizoram sorkar kan phût a ni," an ti.