Khawpui fai inelna tur ruahmanna tlangzarh

Khawpui fai ber nih tuma Mizoram sorkar hmalakna, 'Swachh Survekshan 2018 Roadmap' chu nimin khan UDPA minister Zodintluanga'n a pisaah a tlangzarh.

Ministry of Housing & Urban Affairs chuan, khawpui a fai zawk nan 'Swachh Survekshan 2016' a ruahman a, chutah chuan India rama khawpui 73-te an lo inel tawh a ni. Swachh Survekshan 2017 chu January-February 2017-ah rua­hman leh a ni a, khawpui 434 an inel ve thung.

Swachh Survekshan 2016 inelnaah khan Aizawl khawpui chu khawpui 73 zingah 41-na a ni a, kum 2017-ah chuan Atul Mission for Rejuvenation and Urvan Transformation (AMRUT) khawpui 500 zingah 105-na a ni. Swachh Survekshan 2018-ah khawpui 4,041 an inel dawn a, Mizoram aṭangin khawpui 23 an tel ang.

Mizoram sorkar chuan January-February 2018 chhungin Swachh Survekshan 2018 hi kalpui a tum a, Ministry of Housing & Urban Affairs-in Swachh Survekshan 2018 kalpui nan toolkit a siam hman dan tur hrilh­fiahna leh Mizorama Swachh Survekshan kalpui dan tur ruahmanna chu lehkhabua buatsaih a ni a, Swach Survekshan Roadmap tih a vuah a ni.