Zirtirtu dah belh turin ngen

Tuichangral Zirlai Pawl (TCZP) chuan thuchhuah siamin, an bial chhunga Lungkawlh Middle School-ah zirlai 60 chuang an awm laiin, zirtirtu pathum chauh an awm chu pawi an tih thu an tarlang a; sikul luh leh hma ngeia zirtirtu pahnih tal dah belh turin sorkar an ngen.

TCZP tarlan danin, Lungkawlh M/S-ah hian sikul kum liam taah khan zirlai 67 awmin, zirtirtu paliin an enkawl a, zirtirtu pakhat chu February 20, 2020 khan a pension a, zirtirtu pathum chiah an awm tawh. Hetih lai hian, kum 2020-21 atan zirlai 60 chuangin admission an ti tawh a ni.