Mahni ina inkhung hrangte kaihhruaina

Health & Family Welfare department chuan mahnia inkhung hran (home quarantine) chungchangah inkaihhruaina thar a tichhuak. Home quarantine-te chu Covid-19 an vei rinhlelh vang tihna a nih loh thu leh mi dangte vènna atana inkhung hran a ṭul vang a nih thu tarlan a ni.

Health department chuan, qua­rantine chu - natna inkai chhâwn theih (Covid-19 ang chi)-te lênna hmuna khawsa tawh, insawiselna nei si lote'n mi dang an kai lohna tura mahni in emaw, sorkar hmun ruat bik emawa khung hran a ni tih an tarlang a; Inkhung hran hun chu ni 14 chhung ni mah se, a ṭul chuan thuneitute’n an tihdanglam theih thu a tarlang bawk.

1.    Pindan thengthaw ṭha, a theih hrâm chuan a hranpaa inthiarna nei emawa inkhung hran tur. A awm lo a nih chuan inthiar zawhah inthiarna (toilet) tihfai a, kut fai taka sil ṭhin tur.

2.    Room-ah mimalin awm ni se, a theih loh chuan khum inkarah ft. 6 tal a awm tur a ni.

3.    Kum upa, nau pai, naupang, lung natna vei, zunthlum, cancer, HIV, etc. veite bulah awm loh tur.

4.    In chhung hmun dangah tei kual fo loh tur a ni.

5.    Awm khawmnaah kal miah loh tur.

6.    Sahbawn/hand sanitiser hmanga kut tihfai ngun tur a ni.

7.    Chaw eina thleng, no, bungbel, hrûkpuan, mutbute mi dang nen hman ṭâwm loh tur.

8.    Hmai tuamna vuah reng tur a ni a, bawlhhlawh báwmah mahni ngeiin a paih ṭhin tur a ni.

9.    Khawsik, khuh, thâwk harsa a neih chuan Covid-19 helpline number 102 (toll free) / 0389-2323336 / 2318336-ah hrilh vat tur.

1.    Buaipuitu tur bik thlan tur (hrisel ṭha, natna kai awl bik zinga mi ni lo).

2.    A thawmhnaw bàlte kut lâwnga khawih loh tur, kutkawr hman zel tur a ni.

3.    Thawmhnaw bâl leh pindan chhung tihfai dawnin kutkawr hman tur.

4.    Kutkawr hman zawhah kutsil fai ṭhin tur a ni.

5.    Khung hrante chu tu mahin tlawh loh tur a ni.

6.    Khung hrante room leh bathroom-te uluk takin a khát tâwkin bleach/phenol, etc. hmanga tihfai tur.

7.    Thawmhnaw bâl chu sahbawn/surf hmanga a hranpaa sûk tur a ni.