Mi kutthlaktu officer man a ni; Bail-in chhuahtir leh nghal

October 15, 2022 zana B Zalawma, Tuikual North kut­thlaktu Daniel Sailo, Ram­hlun Venglai chu Octo­ber 17, 2022 tlai khan police-te'n an man a, thu an zawh­fiah hnu­ah an chhuahtir leh nghal.

Vanglaini thu dawn danin, police-te chuan FIR an dawh bawhzuiin Daniel Sailo lakah Indian Penal Code section 323, 352 leh 448 tlawhchhanin thubuai an ziak lut a; bail theihna vek a nih avangin Daniel Sailo hi police-te'n an duh ang an zawh­fiah hnuah chhuahtir a ni.

Tuikual North Local Council leh All NGO tarlan danin, Daniel Sailo hi Mizoram Civil Service (MCS) 2014 batch a ni a, Mizoram sorkarah under secretary ni mekin, Finance leh DMR a chang nia hriat a ni.

Tarlan tawh angin, kut inthlak chungchangah hian Tuikual North LC leh All NGO, Dampa Group YMA leh West Phaileng Welfare, Aizawlte chuan thuchhuah an lo siam tawh a; Daniel Sailo chu an dem thu leh hrem ngei an phût thu an tarlang a ni.