Hmanhmawh anga insawi a taka che muangah CLP Leader an puh

MNF party chuan thu­chhuah siamin, Congress Le­gis­lature Party (CLP) lea­der Zodintluanga chu Co­vid-19 dona kawngah MLA leh minister-te chu sor­kar hnathawkte aia sum thawh hmasa zawk tura an ngaih thu a sawi laiin, a taka che muang leh hle si-ah an puh.

Party hrang hranga MLA-te aiawh May 4, 2020-ah Assembly Speaker hoin an ṭhukhawm a, MLA-te'n sum an thawh dan tur an sawiho hnuah, CLP leader Zodintluanga'n MLA-te chu sorkar hnathawkte aia che hmasa tura an ngaih thu mipui hmaa a puan hnuah Speaker pawh thutlukna siam thuai turin May 7-ah meeting a ko leh ta chúk chúk niin MNF chuan an tarlang a ni.

MNF party chuan, Speaker hoa May 7-a mee­ting-ah chuan Zodintluanga chu pawimawh dangte dahṭhaa tel àwm tak a nih thu sawiin, "Kan hman lo, tia he meeting-a a tel ta lo tlat leh si hi a makin a zialo hle. A turtu leh hmanhmawh ber nia lang CLP Leader hi a muang leh hle si a ni," an ti a; party dang aiawhte'n MLA-te'n sum an thawh dan turah thutlukna an siam ta chu fakawm a tih thu an sawi.