TJ-a'n Union Minister a kâwm

Environment, Forest & Climate Change (EFCC) minister TJ Lalnuntluanga chuan October 17, Thawh­ṭanni khan sorkar laipuia EFCC minister Bhu­pender Yadav leh director general of forests & special secretary CP Goyal te an pisaah a kâwm a; sorkar laipuia Mizoram sorkarin rawtna leh dilna a thlenteah hma la turin a ngen.

Bhupender Yadav chuan, TJ Lalnuntluanga thu thlente chu a ngaih pawimawh thu leh tihhlawhtlin ngei a tum tur thu a lo hrilh a; CP Goyal pawhin hma an lak nghal tur thu a lo hrilh bawk niin sorkar thuchhuahin a tarlang. TJ Lalnuntluanga hi principal chief conser­vator of forests RK Singh-a'n a ṭawiawm a ni.