CBC Field Office hotute leh MJA inkâwm

Ministry of Information and Broadcasting hnuaia péng pakhat, Central Bureau of Communication (CBC) Field Office hotute leh MJA Gen.Hqrs hruaitute leh member-te nimin khan CBC Field Office-ah an inkâwm a; thu thehdarh kawnga thawhho dan tur thil chi hrang hrang an sawiho.

CBC field publicity assistant (in-charge CBC, Aizawl) Lalginlen Lhouvum chuan CBC hmalakna leh hnathawh dan tlangpui sawiin, Mizorama chanchinbumite nen thawhhona ṭha tak neih an duh thu a sawi a, press release an neih angte ṭhahnemngai taka chhuahsak ṭhin turin a ngen.

MJA president C Lalrambuatsaiha pawhin, CBC hotute chu MJA-in theihtawpa thawhpui an inhuam thu sawiin, Mizorama chanchinbumite nghêng hnai tur leh thawhpui thiam turin a chah a ni.

Lalginlen Lhouvum sawi danin, Ministry of Information and Broadcasting hnuaia péng pathum - Field Publicity, DAVP leh Songs & Drama te chu chhûn khawm a ni tawh a, Central Bureau of Communication tih a ni a; Aizawla CBC Field Office chu Zonuam Vengah a awm a ni.