MzSRLM leh bank-te'n MoU an ziak

Mizoram State Rural Liveli­hoods Mission (MzSRLM) leh bank pahnih - State Bank of India (SBI) leh Mizoram Rural Bank (MRB)-te chuan ‘Financial Inclusion’ chungchangah nimin khan Rural Development secretary Lalhmingthanga pisaah thawhhona thuthlung (MoU) an ziak.

MoU hian a tum ber chu, 'Self Help Group (SHG) Bank Linkage Programme’ hmangin thingtlanga miretheite leh bank-te inthlunzawm a ni. SBI, MRB leh MzSRLM-te thawhhona aṭang hian SHG Bank Linkage chungchangah nasa lehzualin miretheite hriatna a tizau ang a; SHG kalphung pawh thingtlang mite’n an hriat chian phah thei dawn a ni.

MoU hian thingtlanga mi harsate SHG-a inhlawm khawmte chu ei leh bar leh sumdawnnaahte ṭanpui an nih theihna turin bank loan, dose khat aia tam, interest hniam taka an lak theih nan MzSRLM, SBI leh MRB-te hian hma an la dawn a ni.

MoU-ah hian MzSRLM aiawhin RD secretary Lalhmingthanga'n hming a ziak a; SBI aiawhin Aizawl regional manager Amitav Dutta leh MRB aiawhin general manager Golap Basumatari ten hming an ziak bawk.