ICFAI Univ.-ah International conference

Nimin khan ICFAI University, Mizoramah 'Enabling economic development of North East India through economic linkages with south and south east Asia' thupui hmangin international conference buatsaih a ni a, Governor Lt.Gen. Nirbhay Sharma-a'n a hawng.

Conference hi ICFAI University, Mizoram-in kum 10 a tlin lawmna atan North East Council (NEC) nen ṭangkawpa an buatsaih a ni a; sor­kar laipuia Ministry of External Affairs, Indian Institute of Technology (IIT), National Defense College, Institute of Development Studies, Madras Christian College, Mizoram University leh Tribhuvan University, Kathmandu, Nepal aṭang­tein mithiam an tel a ni.

Governor chuan, Ganga-Brahmaputra-Mekong RegioLarsap chuan, India hmachhak biala chengte chu nun phung leh khawsak phung­ah Asia chhimchhaka chengte nen inanna tam tak a awm tih a sawi a; ram mawina leh boruak nuam vanga khawvel ram hrang hranga mite hîp thei tur khawpin medical tourism, eco-tourism leh rural tourism lamah theihna hai chhuah tur tam tak a awm thu a sawi bawk.

Conference hi vawiinah chhunzawm a ni dawn a; India hmarchhak bial hmasawn dan tur te, ram dang nena insumdawn tawnna chungchang te, hmasawnna tluantling a awm theih dan turte zirho a ni.